أجمل بيت شعر مر عليك

مقدار حبي عالم فيه ربي..
ولا الموازين لِ/غرامي
ظلومه..
لا..لا تقارن حب امك بحبي..
اخاف من عينك تطيح
الآمومه....

ولي عادة ماابيح باسـرار صاحبـي ..
... ... ولو هو جفاء مانيب للسر كشافـي

تموت السراير في ضمائر هلا الوفاء..
... ... وذي عادة الأخيار من كل الأطرافـي
عنك اسولف..
على قلبي واغني عليه
واتصورك قـدامي لو انك بعـيد ..!

ليت يسلى..
وينسى واحدن مايبيه
ويفهم ان كل نفس وشفها اللي تريد..!

حبتك بالـــروح فــوق
المحبين
ماعاشهـــا مخلـوق ولا
سمعها
مساحة خضـرا تفــوق
البساتين
باقصى رياض القلـــب
ربك زرعها
محد يرد الحب عن قلب
غالين
وان حبت الارواح محـــد
منعها

أغار عليك من نظرات عينى
واكثر خوفى من روحى عليك
لك العهد منى يا حبيبى بالوفا
ما دمت حيا ومنك الوفا بعد موتى ..!!

رضيت بفكرة ابعادك أكابـر وأدّعـي النسيـان
و أنا إن جتني أخبارك يضيع النوم من عينـي
سمعته صوتك من بعيد يوّن يقـول لـي تعبـان
وأنا من خانني حظي لشوفك وش يرضيني
عسى ما خاب ظنك بي عسى ما كنت أنا الغلطان
يموت الكون بعيوني ولا يموت العِشـق فينـي

ارفلونه
الحمدلله انك جددتيه وربي هالموضوع محبوب من الجميع
...........................................
والله ماغيرك سكن داخــــل الــــــروح
ولاغيرك انــت وســـط قلبـــــي وعيني
والعاشق اللي يعشق بصدق مفضوح
لو جــــا يرد الشـــــوق لازم يبينــــــي

وقد قلت في حبي لكم وصبابتي ** محاسن شعر ذكرهن يطول
فما غاب عن عيني خيالك لحظة ** ولا زال عنها والخيال يزول

على آخِرْ نِفَسْ واقف...تِجِيْ..وَلاّيجِيه الموت
واشوف الموت أَحْرَصْ مِنْك... وأشوف انّك تِبي موته
وأخاف إنّك بَعَد موته .تِحِنّ .وتفتَح التابوت
وأخاف مْنْ القهر.. يَقْفُل بْوجهك..باب تابوته

ســريــا قلم واكتب لخلـــي قصــيده
وخـــذ حروفهــــا من شكوى حنيـــني
يــيــن احســـاس قلبي ونـــفسي العنيده
عفت حبه وغـــيره غيــره يبيـــــنــــي

أنا من أول يوم شفتك وكني ***
غريب لقاله وطن بين الأوطان
لا ينشغل بالك حبيبي لا ني ***
ولهان في غيابك وإذا جيت ولهان
لو أخسر العالم أبفرح وأغني ***
رابح أنا بحبك لو كنت خسران
اأنت الوحيد الي بحبه شغلني ***
عجزت توفيك القصايد والألحان
ما شوف أنا غيرك و حبك سكني ***
ما كن في الدنيا ابد غيرك إنسان

لايصيبك شـك مني في غلاك
يامغلي عـيشة أيام،،العمر
لا يهمك من حكي هذا ،، وذاك
ولا يصيبك يابعد عمري كدر
مـنوة العذال يسعون الهلاك
حـبنا اللي تـوه بعمر الزهر
لو يشوفك من عذلني في هواك
مثل ماأشوفك عذرني وأعتذر

في خاطري أقسى على الجرح وأجيك
وأقول لك اشتقت و اشتقت و اشتقت
وأرمي بروحي بين حضنك وأياديك
وأقول لك مليت من قسوة الصمت

ياذا الحمام اللي سجع بلحون ***وش بك على عيني تبكيهــــا
ذكرتني عصرمضى وفنون*** قبلك دروب الغي ناسيهــــــا
اهلي يلوموني ولا يدرون*** والنار تحرق رجل واطيهـــــــا
لا تطري الفرقى على المحزون*** ما اداني الفرقى وطاريهــــــا
اربع بنا جر في يد المزيون*** توه ضحي العيد شاريهــــــــا
عمره ثمان مع عشرمضمون*** مشي الحمام الراعبي فيهـا
يامن يباصرني انا مفتون*** روحي ترى فيها الذي فيهـــا

قبل اموت ارجوك شارك وحدتي..
وانتشلني من عذابي والضياع
ياشريك العمر خفف وحشتي..
خل ليل الحب يطوينا بشعاع
همت بارض الله صعبه حالتي..
بين شوق وحزن وهموم وصراع
جيتك احمل حب اسابق خطوتي
مثل ربان خفق فيه الشراع
تحت شمس القيض طالت وقفتي..
انتظر لحظة لقا فيها اجتماع
بين حضر وبدو شاعت قصتي ..
وانت غارق فى ملذات المتاع
كل حزن الكون بان بطلعتي..
سائت احوالى بعد ذاك الوداع
شوف غريق الحب جاوب صرختي..
مبحرٍٍٍِ بالوجد مالى مستطاع

امنـّي العين الحزينة بلقياك
لا زل يومٍ قلت باكر تجيني
ولاحل باكر أنتظر واتحرّاك
كودك تطل بنظرةٍ يا ضنيني
بس اتحرّى شوفتك واتمناك
على أمل يومٍ جديدٍ تبيني
واشوف يومي مثل باكر بليّاك
لا واعذابي من رجاوي سنيني
ضاع العمر كله على آمال رجواك
أعدد أيامه باصابع يديني
ما شفت أنا به غير لوعات فرقاك
خلتني اطرد من وراها حزيني
وين الحنان اللي من أعوام ينهاك
عن الجفا يومك تقدّر حنيني
واليوم أشوف الوقت مخلف نواياك
اللهُ أعلم وش حال بينك

على مواعيـد الامـل جيـت لافـي
بعطيك ما بقـى مـن ايـام عمـري
واهدي لك اسمع احساس من قلبي صافي
تنسـج بهـا مـال المواعيـد مـدري
طبعي كذا اعشـق ولا اقـدر اجافـي
وش حيلتي لي من نسا صبري صبـري
يرضيك يبقـى عالـم الحـب خافـي
يكفي ترا ما أضهرت عذرك وعـذري
يا ما صرخ جرحـي بقـولات كافـي
مع كل هذا جيـت مـا كنـي ادري
امـا خذينـي عـاشـق دوم وافــي
ولا اهجريني وانسي اسهامك بصدري

رباه ياجامع قلوب المحبين
تجمع قلوبٍ فرقتها المقادير
قلبي ياقلب الخطا ول ياشين
وشلون تدله عنك سيد الغنادير
وين الحبيب اللي بهرجه يسلين
حبيبي اللي مايعرف المعاذير
عساك ياعيني بشوفه تهنين
ياحلو مشيٍ يم داره مسايير
مكتوب لك يانفس لازم تعنين
مايمنع المكتوب كثرالمحاذير

من يقول انساك فـي يـوم وتهـون
من يقول انساك يـا عمـري كـذب
في حياتي غيـر حبـك مـا يكـون
مسكنك مـا بيـن جفنـي والهـدب
لو يطول البعـد قلبـي مـا يخـون
ينتظـر لقيـاك واشواقـي لـهـب
فـي فـوادي تحركـت الشـجـون
مثل ما هي النار يسعرهـا المهـب
تكتمل دنيـاي بقربـك يـا حنـون
وان طواني الموت صرت انت السبب

لاتغيبي وش حيـاتي وش تكون
خبريني عـن مـصيـري بـالحـيـاه
مـاجهلتك وأتـركـي عنك الظنون
حبـي الـصـادق يترجم لك وفـاه
خـلك الـمـغـبـون لايـمـكن يخون
ولـو حـصل منك قصور في هواه
مـا أصـدق عـاذلـي مهما يكون
حبـنـا يـبـقى ونـحـيا فـي ذراه
ما أحد غيرك أبشكي له وأمون
قلبـي المجروح بـيـن لك خـفـاه
أن ظلمـتـيـنـي بـسـامـح يافتون
وأن نسيتي الحب ماهذا عطاه
كان عمري ضاع من أجلك يهون
دامـك أنـتـي غـايـة الـروح ومناه

وقفي نبكي على الماضي سوا
وقفي ننعى سوا حـب العمـر
حبنا اللي من مدامعنا ارتـوى
ننتهى ذكراه على يـد القـدر
حبنا حاول ولا كن مـا قـوى
يستمر ما دام عاندنـا الدهـر
حولها النسيان غيم وانتهـى
مثل كنز ضاع في غب البحـر
وقفي نبكي على أطلال الهوى
حبنا اللي ضاع في لمح البصر
إن بكينـا دمعنـا مابـه دوى
و إن سكتنا صمتنا كله قهـر

ياعاتق الهتان لافاض دفآق .،.،.،. وياوجه غيمه لا اشتعل خدها بروق..!؟
لو كان في وجه الهوى ذرة اخلآق .،.،.،.مامت بيدينه من الشوق مخنوق..!؟
وياغنج دلعونه على جوبي عرآق .،.،.،. وياصبح ورده لاحت بـ عنق غرنوق..!؟
لو ما اتوق لـ قلبك الحين واشتآق .،.،.،. من عاد له في ذمتك بس بـ اتوق ..!؟
فتحت قلبي بس من شان لا ضآق .،.،.،. قلبك يفل القلب معلوق معلوق ..!؟
وفهقت موقي لك على شرف الاحدآق .،.،.،. وكل ما غفى موقي الاقيه مفهوق ..!؟
وشلعت صدري لين ما اتناثر اورآق .،.،.،. وصاح بـ خفوقي عرق ياصاحبي فُوق..!؟
بلاش بـ حضورالغلا نطري فرآق .،.،.،. خلنا نسولف بس عن لهفة الشوق..!؟
ولاّ الجروح اكثار لو شفت الاعمآق .،.،.،. ياما اورقت فيني عناقيد وعذوق..!؟
وياما خنقني الجرح في حلق الاشوآق .،.،.،. بس الجروح تهون لـ عيونك الروق ..!؟
شفني على رمح السهر جيتك اعنآق .،.،.،. جيتك بـ كفي دم واقدامي عروق...!؟
عطشان وصلك لكن شلون بـ ارتآق .،.،.،. لاصار وصلك عوق ومفارقك عوق ..!؟
ماني بـ احبك لكن ورب الاشرآق .،.،.،. يا أني بدونك كن ماني بـ مخلوق ..!؟
فـ ان كنت ولهان لعيوني ومشتآق .،.،.،. انا وربي ما ذبحني سوى الشوق ..!؟

هذا من طيبك وطيب اصلك الطاهر ..

لا املك جزل الكلام فلقد تبلد عقلي وعجز عن التفكير .. ولن اضاهيك بما قلتي ياسيدتي فالمعزه من رب العالمين ...

شاكر لك ويعلم الله اني هنا منكم ولكم ويعلم الله كم حرفي مقصر في وصف غلاكم ..

ومن هنا طرت علي قصيده قد قرأتها من فتره ..

وسوف اختصرها اجمالاً .. لكي لا اخرج عن صلب الموضوع ...

العمر راح ولا بقى كثـر مـا راح
ولاني على الدنيـا كثيـر الحسايـف

لو طاح حظَي شامخ الراس ما طاح
والمرجله ما هيب كسـب الوظايـف

الموت حق وودي امـوت وارتـاح
ولايهستربـي فــراق الـولايـف

الشمس نوره سطع لجل المزايني
لولا المزاين بالدنيا طفى سراجه
كلن به جروح ولكن شوقي يظنيني
وش اسوي بقلبن يصعب علاجه
بقعد على قلب خلي وانتظر حيني
حتى يحين القدر والدنيا غنّاجه
اوصيت منهو يحفر القبر يذريني
يكتب على النصب مات وله بكم حاجه

يامنبع الثلج كيف تصب لي جمـره
وأنت السحايب بكفك والضما فينـي
ياشين هالليـل كنـه طايـل عمـره
أحس وجهه تعلـق فـي شرايينـي
من حجة العام جرحي ماقويت امره
لاقلت هانت رفـع صوتـه ينادينـي
والبارحه من طعونك كانت السمـره
مابين نزف القصيد وفركةايدينـي
اذكرك كان الغلا فنجال مـع تمـره
أيام تقدع غلاك ومجلسـك عينـي
تضحك وانا في سعادة غامرة غمرة
تحكي واقول الغلا جاني يواسيني
ومن الخجل لا نظرتك تشتعل حمرة
كنك شربت الزمان اللي يبكيني
عزاي في وقتي اللي فاتني أمره
إني الى الحين مالي من يعزيني

أحتري الموعد وأجمع لك كلام ** وأنتقى من معانيه الثمين
وأنتقى لك كلام من الغرام ** مابعد قالوه كل العاشقين
منتظر لقياك يابدر التمام ** لأجل أعبر لك عن الحب الدفين
ساهر والعين تغشاها الظلام ** منتظر نورك على ليلي يبين
أنا أنتظاري فوق جمرات الهيام ** في رجا ساعة أمل فيها تبين
واعذابي إن كان ماخذك المنام ** عن عيوني ياهوى البال الحزين

ياموقد القلب تو الشمس غابت
خلك معي لين اشوفك تحترق فيني
ياشمعة الروح تو الروح ماذابت
اشعلتني الين بان الشوق في عيني
اشتقتلك والجروح بشوفتك طابت
سولف يابو ضحكتن لامت تحييني
رجع لنا العمر يوم القلوب شابت
ز هرة شبابي عيونك واجمل سنيني
بعيونك الساحره وسط الحشاء صابت
تذبح واذا سلهمت بالرمش تشفيني
العمر يفنى ويبقى حبنا ثابت
وان غبت عن ناظري صوتك يناديني
الهقوه اللي اخذتني فيك ماخابت
اوفيت وانا احسبك كنت ناسيني